အဂတိလိုက်စားမှုတိုက်ဖျက်ရေးကော်မရှင် ဥက္ကဌ ဦးသန်းဆွေ ခေါင်းဆောင်သော ကိုယ်စားလှယ်အဖွဲ့သည် အာဆီယံ အဂတိလိုက်စားမှု တိုက်ဖျက်ရေးအဖွဲ့ (ASEAN-PAC)၏ ၁၈ ကြိမ်မြောက် အကြီးအမှူးများ အစည်းအဝေးသို့ တက်ရောက်ခဲ့ပြီး ပြည်ထောင်စုသမ္မတမြန်မာနိုင်ငံတော်သို့ပြန်လည်ရောက်ရှိ
- Thu, 24 November 2022
၂၀၂၂ခုနှစ်၊ နိုဝင်ဘာလ ၂၄ ရက်
အဂတိလိုက်စားမှုတိုက်ဖျက်ရေးကော်မရှင် ဥက္ကဌ ဦးသန်းဆွေ ဦးဆောင်သော မြန်မာ ကိုယ်စားလှယ်အဖွဲ့သည် ကမ္ဘောဒီးယားအဂတိလိုက်စားမှုတိုက်ဖျက်ရေးအဖွဲ့ Vice President YONN SINAT ၏ ဖိတ်ကြားချက်အရ နိုဝင်ဘာလ ၂၂ ရက်နေ့မှ ၂၃ ရက်နေ့အထိ ကမ္ဘောဒီးယား ဘုရင့်နိုင်ငံ၊ ဖနွမ်းပင်မြို့၌ ကျင်းပပြုလုပ်သည့် အာဆီယံအဂတိလိုက်စားမှုတိုက်ဖျက်ရေးအဖွဲ့ (ASEAN-PAC)၏ ၁၈ ကြိမ်မြောက်အကြီးအမှူးများအစည်းအဝေးသို့ တက်ရောက်ခဲ့ပြီး ကမ္ဘောဒီးယားဘုရင့်နိုင်ငံ၊ ဖနွမ်းပင်မြို့မှ လေကြောင်းခရီးဖြင့်ထွက်ခွာခဲ့ရာ ယနေ့ညနေပိုင်းတွင် ရန်ကုန်မြို့သို့ရောက်ရှိကာ အဂတိလိုက်စားမှုတိုက်ဖျက်ရေးကော်မရှင်အဖွဲ့ဝင် ဦးသန်းထွတ်သိန်း နှင့်တာဝန်ရှိသူများက ရန်ကုန်အပြည်ပြည်ဆိုင်ရာလေဆိပ်၌ ကြိုဆိုခဲ့ကြပါသည်။
