နေပြည်တော်၊ မေလ (၂၂) ရက်     

အဂတိလိုက်စားမှုတိုက်ဖျက်ရေးကော်မရှင် ဥက္ကဋ္ဌ ဦးအောင်ကြည်သည် မြန်မာနိုင်ငံ ဆိုင်ရာ အမေရိကန် သံအမတ်ကြီး H.E. Mr. Scot Marciel နှင့်အဖွဲ့အား ယနေ့ နံနက် (၁၀:၀၀) နာရီအချိန်တွင် နေပြည်တော်ရှိ အဂတိလိုက်စားမှုတိုက်ဖျက်ရေးကော်မရှင်ရုံး၊ ဧည့်ခန်းမ၌ လက်ခံတွေ့ဆုံသည်။

တွေ့ဆုံစဉ် အဂတိလိုက်စားမှုတိုက်ဖျက်ရေးကော်မရှင်မှ ဆောင်ရွက်လျက်ရှိသည့် အသိပညာပေးလုပ်ငန်းများ၊ တားဆီးကာကွယ်ရေးလုပ်ငန်းများနှင့် စုံစမ်းစစ်ဆေးရေးလုပ်ငန်း များဆောင်ရွက်မှုများတွင် တွေ့ကြုံရသောအခက်အခဲများနှင့် တိုးတက်မှုအခြေအနေ များကိုလည်းကောင်း၊ နိုင်ငံတကာအဖွဲ့အစည်းများတွင် ဌာနတွင်းစစ်ဆေးရေးလုပ်ငန်းများ ၏ အောင်မြင်ထိရောက်မှုရှိပုံများကိုလည်းကောင်း ဆွေးနွေးခဲ့ကြပါသည်။

တွေ့ဆုံပွဲသို့ ကော်မရှင်ဥက္ကဋ္ဌ ဦးအောင်ကြည်နှင့်အတူ အတွင်းရေးမှူး ဦးစန်းဝင်းနှင့် ကော်မရှင်ရုံးမှ ညွှန်ကြားရေးမှူးချုပ်  ဦးထင်ကျော်တို့ တက်ရောက်ခဲ့ကြသည်။