မြန်မာနိုင်ငံ အဂတိလိုက်စားမှုတိုက်ဖျက်ရေးကော်မရှင် ဥက္ကဋ္ဌ ဦးအောင်ကြည်သည် ဂျာမနီနိုင်ငံ သံရုံးမှ သံအမတ်ကြီး H.E. Mrs. Dorothee Janetzke-Wenzel နှင့်အဖွဲ့အား ၆-၈-၂၀၁၈ ရက်နေ့ ၁၄:ဝ၀ နာရီအချိန်က နေပြည်တော်ရှိ အဂတိလိုက်စားမှုတိုက်ဖျက်ရေး ကော်မရှင်ရုံး ဧည့်ခန်းမတွင် လက်ခံတွေ့ဆုံခဲ့သည်။

တွေ့ဆုံစဉ် မြန်မာနိုင်ငံတွင် အဂတိလိုက်စားမှု တားဆီးကာကွယ်ရေး၊ ပညာပေးရေးတို့နှင့် ပတ်သက်၍ ဆောင်ရွက်နေသည့် အခြေအနေများ၊ ရှေ့ဆက်ဆောင်ရွက်မည့်လုပ်ငန်းစဉ်များ၊ သတင်းပေးတိုင်ကြားသူများ အား အကာအကွယ်ပေးရေးဆိုင်ရာ ကိစ္စရပ်များနှင့်ပတ်သက်၍ ဆွေးနွေးခဲ့ကြပါသည်။

တွေ့ဆုံပွဲသို့ ကော်မရှင်ဥက္ကဋ္ဌ ဦးအောင်ကြည်နှင့်အတူ အတွင်းရေးမှူး ဦးစန်းဝင်း၊ ကော်မရှင်အဖွဲ့ဝင်များဖြစ်ကြသော ဦးဇော်ဝင်းနှင့် ဒေါ်မြတ်မြတ်စိုးတို့ တက်ရောက်ခဲ့ကြပါသည်။