အဂတိလိုက်စားမှုတိုက်ဖျက်ရေးကော်မရှင် ဥက္ကဋ္ဌ ဦးအောင်ကြည် ဦးဆောင်သော အဖွဲ့သည် မြန်မာနိုင်ငံဆိုင်ရာ ဥရောပကုန်သည်ကြီးများအသင်း (EuroCham Myanmar) မှ Deputy Director Mr. Marc de la Fouchardiere ဦးဆောင်သောအဖွဲ့ အား ၂၅-၇-၂၀၁၈ ရက်နေ့ (၁၀:၀၀) နာရီမှ (၁၁:၀၀) နာရီထိ အဂတိလိုက်စားမှုတိုက်ဖျက်ရေးကော်မရှင် ဥက္ကဋ္ဌရုံး၊ အစည်း အဝေးခန်း၌ လက်ခံတွေ့ဆုံခဲ့ပါသည်။

  တွေ့ဆုံဆွေးနွေးပွဲတွင် မြန်မာနိုင်ငံဆိုင်ရာ ဥရောပကုန်သည်ကြီးများအသင်း၏ဆောင်ရွက်ချက် များကို ရှင်းလင်းတင်ပြပြီး မြန်မာနိုင်ငံ၏ ကျန်းမာရေးစောင့်ရှောက်မှု ကဏ္ဍတွင် တင်ဒါခေါ်ယူသည့် လုပ်ငန်းစဉ်များ၊ ကျန်းမာရေးကဏ္ဍဆိုင်ရာ ကျင့်ဝတ်လိုက်နာရေး ပြဋ္ဌာန်းချက်များနှင့် စပ်လျဉ်းသည့် အချက်များကို အကြံပြု ဆွေးနွေးခဲ့ပါသည်။