"နိုင်ငံတကာ ပွင့်လင်းမြင်သာမှု အဖွဲ့အစည်း၏စစ်တမ်းအရ ကမ္ဘာ့နိုင်ငံပေါင်း ၁၇၀ ကျော်ရှိသည့်အနက် အကျင့်ပျက်ချစားမှု၊ အဂတိလိုက်စားမှု အနည်းဆုံးနိုင်ငံကို စံထား၍ အဆင့်သတ်မှတ်ရာ၌ နံပါတ် (၁)တွင် ဒိန်းမတ်၊ (၂)တွင် နယူးဇီလန်၊ (၃)တွင် ဖင်လန်၊ (၄)တွင် ဆွီဒင်၊ (၅)တွင် နော်ဝေတို့ဖြစ်၍ မြန်မာနိုင်ငံသည် အဆင့် (၁၄၇)တွင် ရပ်တည်နေကြောင်း၊ အာဆီယံနိုင်ငံများတွင်လည်း မြန်မာနိုင်ငံနှင့် ကမ္ဘောဒီယားနိုင်ငံတို့သည် အဂတိလိုက်စားမှု အများဆုံးဖြစ်ကြောင်း သိရသည်" ဟု ၂၆.၃.၂၀၁၇ ရက်နေ့ (တနင်္ဂနွေနေ့) ထုတ် Daily Eleven ဂျာနယ်၏ စာမျက်နှာ (၂)တွင် ဖော်ပြထားပါသည်။

မြန်မာနိုင်ငံ၏ ၂၀၁၀ ခုနှစ်မှ ၂၀၁၆ ခုနှစ်အထိ အဂတိလိုက်စားမှုအညွှန်းကိန်း အဆင့်ဆင့် တိုးတက်ပြောင်းလဲလာမှုမှာ အောက်ပါအတိုင်းဖြစ်ပါသည်-

                  စဉ်                ခုနှစ်            အညွှန်းကိန်းအဆင့်                      နိုင်ငံ

                  (က)                  ၂၀၁၀                           ၁၇၆                                         ၁၇၈

                  (ခ)                    ၂၀၁၁                           ၁၈၀                                         ၁၈၃

                  (ဂ)                    ၂၀၁၂                           ၁၇၂                                         ၁၇၆

                  (ဃ)                  ၂၀၁၃                           ၁၅၇                                         ၁၇၇

                  (င)                    ၂၀၁၄                           ၁၅၆                                         ၁၇၅

                  (စ)                    ၂၀၁၅                           ၁၄၇                                         ၁၆၈

                  (ဆ)                  ၂၀၁၆                           ၁၃၆                                         ၁၇၆

အာဆီယံနိုင်ငံများ၏ ၂၀၁၅-၂၀၁၆ ခုနှစ် CPI နှိုင်းယှဥ်ချက်ဇယားမှာ အောက်ဖော်ပြပါ အတိုင်းဖြစ်ပါသည်-

သို့ဖြစ်ပါ၍ နိုင်ငံတကာပွင့်လင်းမြင်သာမှုအဖွဲ့အစည်း၏ ၂၀၁၆ ခုနှစ်အတွက် ထုတ်ပြန်သော အဂတိလိုက်စားမှုတိုက်ဖျက်ရေးအညွှန်းကိန်း (Corruption Perceptions Index) CPI အဆင့်မှာ အဆင့် ၁၃၆ ဖြစ်ပါသဖြင့် Daily Eleven ဂျာနယ်တွင် ဖော်ပြခဲ့သကဲ့သို့ အဆင့် ၁၄၇ မဟုတ်ပါ။ အဂတိလိုက်စားမှုတိုက်ဖျက်ရေးကော်မရှင်၏ Website တွင်လည်း "သတင်း" ခေါင်းစဥ်ကြီး၊ "နောက်ဆုံးရသတင်း" ခေါင်းစဉ်ငယ် အောက်တွင် "မြန်မာနိုင်ငံ၏ အဂတိလိုက်စားမှု နှင့်ပတ်သက်သည့် အညွှန်းကိန်း" ခေါင်းစဉ်ဖြင့် "၂၀၁၆ ခုနှစ် အတွက် မြန်မာနိုင်ငံသည် အဂတိလိုက်စားမှု အညွှန်းကိန်းအဆင့်မှာ ကမ္ဘာ့နိုင်ငံပေါင်း ၁၇၆ နိုင်ငံတွင် ရမှတ် ၂၈ မှတ်ဖြင့် အဆင့် ၁၃၆ ရရှိခဲ့ကြောင်း" ၂၅-၁-၂၀၁၇ ရက်နေ့မှစတင်၍ ယနေ့အထိ လွှင့်တင်ထားရှိပြီး ဖြစ်ပါသည်။