မွန်ပြည်နယ်၊ ရေးမြို့နယ်တွင် ကန်တာယာဉ်တိမ်းမှောက်မှုနှင့်စပ်လျဉ်း၍ အမှုစစ် အရာရှိ ရဲအုပ်ကျော်သက်ခိုင်မှ ငွေတောင်းခံခြင်းနှင့် မတရားအမှုဆင် တရားစွဲဆိုခြင်းအား အရေးယူပေးပါရန် နစ်နာသူမှ အဂတိလိုက်စားမှုတိုက်ဖျက်ရေးကော်မရှင်သို့ တိုင်ကြားခဲ့ ပါသည်။

တိုင်ကြားစာအရ အဂတိလိုက်စားမှုတိုက်ဖျက်ရေးကော်မရှင်က စုံစမ်းစစ်ဆေးရေးအဖွဲ့ ဖွဲ့စည်းစစ်ဆေးခဲ့ရာ မွန်ပြည်နယ် ရေးမြို့၊ မြို့မရဲစခန်း အမှုစစ်အရာရှိ ရဲအုပ်ကျော်သက်ခိုင် (လ ၁၉၉၅၉၃)သည် အမှုစစ်ရဲအရာရှိ၏ လုပ်ပိုင်ခွင့်ကိုအသုံးပြုလျက် ရေးမြို့မရဲစခန်း (ပ)၂၀/၂၀၁၅ အမှုမှ စွပ်စွဲခံရသူ ဦးအောင်ကျော်မျိုးကို အမှုဖွင့် ဖမ်းဆီးချုပ်နှောင်၍ ၂၃-၁၂-၂၀၁၅ ရက်နေ့တွင် အာမခံရရှိရန်အတွက် ငွေကျပ် ၃ သိန်းနှင့် ၂၈-၁၂-၂၀၁၅ ရက်နေ့တွင်လည်း အမှုကိစ္စအတွက် ငွေကျပ် ၅ သိန်းတို့ကို တောင်းခံရယူခဲ့ကြောင်း စစ်ဆေး ပေါ်ပေါက်သဖြင့် မွန်ပြည်နယ် ရေးမြို့၊ မြို့မရဲစခန်း အမှုစစ်အရာရှိ ရဲအုပ်ကျော်သက်ခိုင် (လ ၁၉၉၅၉၃)ကို ၂၀၁၃ ခုနှစ်၊ အဂတိလိုက်စားမှုတိုက်ဖျက်ရေးဥပဒေ ပုဒ်မ ၅၆ အရ မွန်ပြည်နယ်တရားလွှတ်တော်တွင် ဇန်နဝါရီလ(၃၀)ရက်နေ့က တရားစွဲဆိုအရေးယူခဲ့ပါသည်။